Lets_turn_the-1500-olelo.png
faces_10x-1500-home1.jpg
bkgd-1500-taro-2.jpg
 

Dear Friends,

ʻElima makahiki o koʻu makuahine i ka manawa i hoʻopaʻa ai ke aupuni ʻAmelika Huipūʻia iā ia no ʻekolu makahiki no kona kūlana Kepanī ʻAmelika e noho ana i Kaleponi. ʻO ia kekahi o ka 120,000 i hōʻiliʻili ʻia a hoʻopaʻa ʻia ihola ma nā kahua paʻahao i ke Kaua Honua II.

I koʻu wā kamaliʻi, haʻi maila kuʻu makuahine i nā moʻolelo o ia wā, ʻaʻole naʻe au i hoʻomaopopo i ka pāʻewaʻewa me ka hilahila i ulana ʻia ma loko o kāna mau moʻolelo. Aia nō a koʻu makahiki iwakāluakūmākolu a ʻike maka nō au i ka hoʻokae hewa a ke aupuni i koʻu ʻano iho, ʻakahi au a hoʻomaopopo pono maila.

E hana ana au ma kuʻu kūlana pulakaumaka i ka ʻoihana paikini o Nuioka, a kelepona ʻia kaʻu luna me ka hōʻike i koʻu lolina a wahine a me ka hōʻole i ka hana ʻana me aʻu. Pau kaʻu hana ma laila.

Hoʻomalu ke kānāwai i nā ʻoihana hai i ia manawa, a ʻae wale ʻia lākou e hana pāʻewaʻewa i ka poʻe a pau o koʻu ʻano. ʻAkahi a maopopo leʻa iaʻu ia mea ʻo ka pāʻewaʻewa kanaka, a me ke ʻano e hemahema ai kuʻu hiki ke hoʻolimalima hale, kūʻai mea ʻai a mālama hoʻi iaʻu iho. Hoʻololi ia ʻike i ke ala o koʻu ola. ʻO koʻu ʻike ihola nō ia i ka pono e hele i ke kula loio, e aʻo i ke kānāwai - a laila, e hoʻoponopono.

A hoʻi auaneʻi au i Hawaiʻi ma ke ʻano he loio no ka pono lehulehu, ua hana pū au me nā hoa hōʻeuʻeu o ke kaiāulu e hōʻoia i ke kākoʻo ʻana o nā kānāwai pono sivila i nā pono kanaka, ʻaʻole i nā pono o nā ʻoihana kālā.

I kēia mau lā, hoʻolilo nā ʻoihana kālā i nā miliona e hoʻomāhuahua i ko lākou leo ma ke Kapikala Mokuʻāina. Makemake nō au e hōʻoia i ka lohe ʻia o nā leo kanaka, ʻo ia hoʻi nā manaʻo a me nā hopohopo o ka lehulehu. Pono hoʻi kākou e kāʻili hou i ko kākou aupuni a paio no ka pono - no ka ʻāina, a no nā kānaka a pau o Hawaiʻi nei.

Me kākou ka hiki ke hoʻololi i ke keʻena o ka Hope Kiaʻāina i keʻena no ka lehulehu.

A hui pū mai, hiki nō iā kākou,

 
 
sig.png
 
bkgd-1500-letter-bkgd2.jpg

NĀ ʻŌLELO HŌʻIKE

circle_500x500-red-maya.png

Maya Soetoro-Ng

“Ua hana au me Kim Coco i kona mau makahiki ma ka Papa Hoʻonaʻauao a ʻike ʻia kona kākoʻo kūmau no nā keiki a pau. Hiki iā Kim Coco ke hoʻololi i ke keʻena o ka Hope Kiaʻāina i hale no ka lehulehu ma o kona aloha a me kona akamai. Haʻaheo au e kū i hoa a mea kākoʻo nona.”

– Maya Soetoro-Ng

circle_500x500-red-mari.png

Mari Matsuda

“ʻAʻole ʻo Kim Coco he mea kālaiʻāina maʻa mau. ʻAʻohe ona makaʻu e kū aʻe a leo aku. Paʻa ke ʻano paio i loko ona. ʻIke nō au i ke ʻano o Jean King, Patsy Mink, Ah Quon McElrath a me kuʻu makuahine hoʻi.  ʻO ia hoʻi ke ʻano e pono ai kā kākou Hope Kiaʻāina hou aʻe.”

– Mari Matsuda,
polopeka, Kula Loio ʻo William S. Richardson

circle_500x500-red-dan.png

Dan Foley

“He moho ikaika ʻo Kim Coco no nā pono sivila. Inā nō e koho pāloka ʻia, nāna nō e hoʻololi i ke keʻena Hope Kiaʻāina i keʻena hoʻopai i ka poʻe leo ʻole. ʻAʻole ʻo ia e holo moho nei no kona pono iho, he ʻiʻini kona no ka huliāmahi ʻānō.”

– Dan Foley,
luna kānāwai līkaia, loio hanohano

 
endorsements-8-8-1500-olelo.jpg